Nomeamento de Luís García Mañá como fillo adoptivo de Calvos de Randin

    Nomeamento de Luís García Mañá como fillo adoptivo de Calvos de Randin
    Nomeamento de Luís García Mañá como fillo adoptivo de Calvos de Randin

    O Día 26 de abril do ano 2008 levouse a cabo o acto de nomeamento de D. Luís Manuel García Mañá -Xefe Superior de Policía de Galicia, como Fillo adoptivo do Concello de Calvos de Randín. A  Corporación municipal adoptou o acordo pola importante labor que García Mañá vén desenvolvendo para rescatar do esquecemento ao Couto Mixto e facendo especial fincapé no seu traballo de recuperación da historia do territorio que conforma esa singular “República dos soños”. Luís García Mañá é autor do libro  “Couto Mixto: unha república esquecida” así como doutros nos que o autor recrea historias deste territorio tan peculiar.

    O acto celebrouse na igrexa de Santiago de Rubiás que estaba ateigada de personalidades do mundo da cultura, da política, etc… así como centos de amigos e amigas que percorreron toda Galicia para acompañar a García Mañá nese acto tan entrañable. Arroupado polos seus, García Mañá fixo un fermoso discurso de resposta á louva feita por D. Carlos Varela García -Fiscal Superior de Xustiza de Galicia.

    O Alcalde, Aquilino Valencia, emocionado, impúsolle a medalla e fíxolle entrega dun fermoso diploma que o acredita como Fillo adoptivo das terras do Couto.

    Deixar comentario

    Please enter your comment!
    Please enter your name here