Fomentar o uso da lingua galega na etiquetaxe dos produtos de consumo, procurar complicidade de cantos máis consumidores poidamos atopar, e procurarmos o arroupamento de todas as institucións públicas, velai os piares nas que se asentan as accións da Irmandade de Agroalimentarios e Adegueiros.
Tarefa non sempre doada. Moitos consumidores que manifestan as súas ahdesións a feitos relacionados coa defensa da identidade cultural, non son logo consecuentes nas súas opcións de compra; moitos produtores aínda seguen a pensar na etiquexa en castelán para que os seus elaborados estean nos mercados competindo con outros. Non se decatan de que a lingua é un sinal que reforza a calidade e as oríxes, como elementos diferenciadores.E as institucións públicas, que teñen unha idea reducionista do fomento do galego.
Malia os atrancos, os progresos son evidentes.
