Día da Restauración da Memoria Lingüística en Ponteareas

    No cemiterio municipal de Ponteareas celebráronse os actos conmemorativos do Día da Restauración da Memoria Lingüística, que comezaron coa descuberta dunha placa alusiva ao agradecemento a todos os devanceiros que fixeron posible que Galicia aínda sega a ter lingua e cultura de seu.

    Guillermo Rodríguez, director de “A Peneira”, fixo unha sentida intervención para salientar a importancia de manter encesa a memoria dos que en vida se expresaron en lingua galega. A concelleira de normalización lingüística,leu un poema de Rosalía de Castro, “No cemiterio de Adina”, que expresa a relación que nas comunidades parroquiais existe entre os vivos e os mortos. Xosé González Martínez, en nome da Asociación de Funcionarios para a Normalización Lingüística, salientou os paradoxos que  se observan a cotío nos que os familiares dos defuntos se expresan en galego e as lápidas en castelán, convidando aos presentes a restaurar a memoria lingüística dos defuntos colocando novas lápidas ecritas en galego, lingua que que falou o defunto.

    O señor alcalde, Xosé Represas, abondou no mesmo argumentario e sinalou a importancia pedagóxica do acto que se celebraba para chamar a atención sobre a pervivencia da lingua galega máis aló da vida.

    Deixar comentario

    Please enter your comment!
    Please enter your name here