Premios Lois Peña Novo 2017

    Celebrouse en Soutomaior a XXIII edición dos Premios Peña Novo cun obrigado cambio de ubicación pero non de contido, xa que a tarefa de recoñecer os esforzos das persoas que traballan pola dignificación da nosa lingua é o obxectivo que move á Fundación Peña Novo.

    O acto estivo presidido por D. Valentín García Gómez, Secretario xeral de Politica Lingüística; Dª Fina Casalderrey, académica en representación da R.A.G.; D. Xosé Leal, deputado provincial de cultura e lingua; D. Xosé M. Cid Rodríguez, premiado edición anterior e presidente do xurado deste ano e D. Xosé González Martínez, presidente da Fundación Peña Novo.

    Os premiados, igual que os que os precederon nas 22 edicións anteriores, son exemplos das palabras de Peña Novo “asimiliar para transformar e transformar para superar”: transformar e superar prexuizos asumindo intima e publicamente a súa galeguidade e facendo expansiva a súa mensaxe galeguizadora en cadanseu espazo profesional, defendendo a identidade singualar do pobo galego e sentíndose orgullosos dela.

    A música sonou de man do grupo LUAR NA LUBRE, unha das formacións máis sólidas de Galicia, con 30 anos de vida e máis de 1000 concertos en 23 paises. Foi un pracer escoitalos e contar coa súa presenza.

    Premios Lois Peña Novo 2017

    Máis de 300 persoas estiveron presentes no acto no que os premiados, Dª Sandra Piñeiro Vilas, maxistrada no Xulgado de instrución núm. 3 de Lugo, fixo un discurso que chegou ao corazón dos presentes pola entrega e sentimento das súas palabras: D. Xurxo Mariño Pérez, Neurofisiólogo e dinamizador da ciencia en galego fixo un razoamento sobre como a lingua debería ser a normal forma de expresión tanto no campo da ciencia como en calquera outro e o Presidente e Vicepresidente da Asociación Cultural e Pedagóxica Ponte nas Ondas, agradeceron o premio e suliñaron a presenza dos rapaces e rapazas que estiveron retransmitindo en directo, a través da radio, toda a entrega dos premios.

    As louvas dos premiados foron feitas por D. Carlos Varela García, fiscal da Fiscalía Superior de Galicia que a fixo de Dna. Sandra Piñeiro; D. Xurxo Martínez, que a fixo de D. Xurxo Mariño e D. Xosé Manuel Cid que foi o encargado de facela da A.Cultural Ponte nas Ondas.

    Premios Lois Peña Novo 2017

    D. Xosé González Martínez, presidente da Fundación insistíu na idea de que o compromiso persoal é fundamental para producir os efectos multiplicadores no uso da lingua.
    D. Xosé Leal, deputado de cultura e lingua da Deputación de Pontevedra tamén tivo palabras garimosas para os premiados e suliñou a necesidade da existencia de colectivos como Galeguizar Galicia para defender o uso da lingua en distintos ámbitos da vida.

    Pechou o acto D. Valentín García Gómez, Secretario Xeral de Política Lingüística quen gabou o traballo arreo a prol da lingua dos premiados.
    A interpretación do Himno Galego por parte de Luar na Lubre, que foi acompañada por todos os presentes, puxo o broche de ouro a un acto cheo de palabra e contido.

    Deixar comentario

    Please enter your comment!
    Please enter your name here