La Voz de Galicia – Santiago acolle o Día da Galeguidade Empresarial

A Reitoría da Universidade de Santiago acolleu o acto conmemorativo do Día da Galeguidade Empresarial, unha efeméride que promoven a Consellería de Cultura e o Foro Enrique Peinador, e ao que esta vez se sumaron o Clúster Tecnolóxico Bioga e as tres universidades galegas. O secretario xeral de Política Lingüística, Valentín García, destacou que esta efeméride recoñece o compromiso do sector empresarial galego coa promoción social do uso e a normalización da lingua propia.