La Voz de Galicia – A Irmandade Xurídica Galega debate sobre o idioma na xustiza

IXUGA

Numerosas personalidades do mundo da xustiza en Galicia déronse cita este sábado en Pontevedra con motivo da asemblea anual da Irmandade Xurídica Galega. As actividades repartíronse entre a Audiencia Provincial, onde se descubriu unha placa conmemorativa da primeira sentenza en galego hai trinta anos, e o salón de plenos da Deputación, onde se levou a cabo a asemblea e recepción de quince novos irmandiños.

Pontevedra, a pioneira

Nas intervencións ao carón da Audiencia, fíxose unha defensa apaixonada do emprego do galego na xustiza e tamén nas Administracións públicas. Participaron o presidente da asociación, Xaquín Monteagudo, así como o avogado Avelino Ochoa, o fiscal xa retirado Benito Montero, a presidenta da Deputación, Carmela Silva, e o concelleiro de Normalización Lingüística, Alberto Oubiña.

Pola súa parte, na asemblea fíxose unha homenaxe a título póstumo a Xosé Fariña Jamardo, quen foi moitos anos secretario da Deputación.

Solicitude de máis sentenzas en galego. O avogado Avelino Ochoa estimou entre un 1 e un 2 % o volume de sentenzas en galego ao ano en Galicia, ou sexa, de 3.000 a 4.000 entre 319.600 ditadas nas catro provincias.

Os protagonistas da placa homenaxe, como impulsores do emprego do galego na Xustiza. De esquerda a dereita: Xoán Manuel Alfaya Ocampo, Benito Montero Prego, Xosé Xoán Barreiro Prado e Luciano Varela Castro.

Asemblea na Deputación. A Irmandade Xurídica Galega, acompañada por invitados e público, celebrou a súa asemblea anual no salón de plenos da Deputación de Pontevedra.

Deixar comentario

Please enter your comment!
Please enter your name here