La Región – Unha academia avivará o estudo do Couto Mixto

Xuices Honorarios 2013
Xuices Honorarios 2013

A igrexa de Santiago retoma o sábado o nomeamento de novos xuíces
O himno do Couto Mixto volverá a soar este sábado 2 de xullo na igrexa de Santiago, no concello de Calvos de Randín, que entre os séculos XII e XIX foi -xunto con Rubiás y Meaus (Baltar)- un territorio independente entre España e Portugal con preto de mil veciños nos seus 27 quilómetros cadrados. A Asociación de Amigos do Couto Mixto recupera, tras dous anos de pandemia, o acto solemne que, dende o ano 2000, distingue como xuíces honorarios ás persoas que co seu traballo e adicación fan que este territorio arraiano sexa devolto a memoria colectiva de Galicia.

Así o definiu nalgunha ocasión o presidente da asociación, o ourensán Luis García Mañá, que esta semana ultima os preparativos dun acto que terá tres nomes propios -os xuíces honorarios Armando González, Consuelo Castro Rey e Diana Gonçalez- e un novo proxecto: a creación da Academia das Ciencias Sociais do Couto Mixto.

“Este ano daremos un paso máis nesa república do coñecemento e dos pensamentos, no sentido dunha red pública e onde as fronteiras non son espazos de eliminar, senón de contacto, de riqueza, de coñecemento”, adiantaba Luis García Mañá.

Previous articleGalicia Confidencial – Novos xuíces honorarios do Couto Mixto
Next articleLa Región – Novos xuíces honorarios do Couto mixto