Presentacion do libro “Palabras da terra”

    Palabras da terra
    Palabras da terra

    Nunca en Galicia se fixera antes unha campaña de animación ao uso da lingua galega na etiquetaxe dos nosos viños.”Palabras da terra” recolle a opinión de medio cento de adegueiros que manifestan con orgullo a decisión de rotularen os seus envases en lingua galega. Adegas de tódalas denominacións de oríxe, que producen brancos e tintos. Viños que viaxan polo mundo para expoñérense nos andeis das grandes superficios, viñotecas e os mellores restaurantes. Con esta publicación a Asociación de Funcionarios para a Normalización Lingüística da man da Secretaría Xeral de Política LIngüística botaron a andar unha campaña novidosa de fomento do uso da lingua galega na etiquetaxe, para corroboraren que vender en galego é posible, que non se lle pechan as portas do comercio exterior aos nosos viños para estaren en pé de igualdade co whisky, champán frances e outras bebidas etiquetadas en cadansúa lingua de orixe. A lingua galega ten, a través do viño, a posibilidade de universalizarse e acadar o prestixio que lle cómpre.
    Don Emilio Pérez Touriño, Presidente da Xunta de Galicia e dona Marisol López Martínez, Secretaria Xeral de Política Lingüística participaron no acto conxuntamente co Presidente da Asociación de Funcionarios, don Xoaquín Mnteagudo Romero, que aproveitou a ocasión para pedirlles aos adegueiros de toda Galicia congrfegados na Capela Real do Hostal dos Reis Católicos, que non perdesen a ocasión de singularizárense nos mercados internacionais coa nosa lingua.

    Descargar libro “Palabras da terra”

    Deixar comentario

    Please enter your comment!
    Please enter your name here