A aula Castelao, no emblemático edifico da Facultade de Medicina da USC foi o escenario onde se levou a cabo a IV Asemblea da Irmandade da Sanidade Galega (ISAGA) na que 29 novos irmandiños e irmandiñas entraron a formar parte da mesma co compromiso de “seguir defendendo e utilizando a lingua galega na súa actividade profesional”.
Tivemos a sorte de contar coa música de Roi Casal, novo membro da irmandade por mor da súa profesión como boticario, que estivo acompañado pola guitarra de Carlos Calviño e a fermosa voz de Silvia Ferre.
Como vén sendo costume nas asembleas da ISAGA, homenaxeouse a unha personalidade senlleira da sanidade galega. Desta volta foi a título póstumo ao doutor D. Xosé Manuel López Nogueira, médico siquiatra autor de novidosos ensaios e achegas científicas. O profesor D. Xosé Carlos Bermejo e o doutor D. David Simón Lorda foron os encargados de facer a súa louva. Con anterioridade a ISAGA descubríu unha placa no seu recordó no edificio onde vivíu (núm. 35 da rúa Doutor Teixeiro). Foi a súa viúva a receptora do diploma como Irmandiño de Honra da ISAGA.
