O pasado día 26 de novembro celebrouse no concello limiao de Vilar de Santos un novo acto que baixo o rubro “En galego, agora e sempre” vén convocando a Asociación de Funcionarios para a Normalización Lingüística para galeguizar os espazos da memoria colectiva nos cemiterios. Participaron no mesmo o alcalde do concello Antonio Míguez; o concelleiro de cultura, Rubén Colmenero; e o presidente do Museo da Limia e exalcalde do Concello Xosé Antón Jardón Dacal. Jardón lembrou emotivamente a memoria do crego de Parada de Outeiro, Miguel Fernández, xa falecido, onde hai anos se celebrou tamén un acto semellante.
Os interviñentes no acto explicaronlle ao público asistente a filosofía desta celebración, e repartíronse exemplares da Acta de Vontades para que os interesados en deixaren constancia no ámbito familiar da súa inequívoca galeguidade nas exéquias fúnebres.
